واكبدي اللي من الهجران منفطره . شطر عليه الطواري حامت ولفت .. واقلبي اللي جروحه زادت بشطره .. وأنا احسب انها تلاشت واثرها خفت .. من السهر ما تفارق جيبي القطرة .. أعف عيني وبعض الناس ما عفت .. من همي أسهر وهو يسهر من البطره .. وش فود حي مشاعر قلبه اتوفت .. بعض المواقف تشوق الخط في سطره .. ولولا الهبايب ترى الاعلام ما رفت .. ناس لا غابت ذكرت السيره العطره .. وناس تساوت معاي إن جات وإن قفت .. مشلكتي أمشي بهذا الوقت ع الفطرة .. والوقت كفاً بجرحي والعرب وفت ..